Umeentzako emanaldiak

Katillukadak

Bertsolari zaharrak oso jakintsuak dira. Bizitza osoa daramate herriz herri, eta ezagutu dituzte zuri-zuriak izan nahi luketen bele beltz-beltzak, munstroen lagun egiten diren umeak, hargin izan naiz ez duten harginak... Dibertigarriak dira bertsolari zaharrak: are gehiago ipuinak kontatzen eta patata-tortilla egiten badakite. Eta Katiluk badaki hori dena. Hori dena eta askoz gehiago!

Katillu bertsolari oiha da emanaldiko nagusia eta bere lagun txotxongilloekin ipuinak kontatzen dabil herriz herri. Denen artean 4 ipuin, 4 mezu , txotxongiloak manipulatzeko 4 teknika desberdin… lau! Urrutiko intxaurrak hamalau, gerturatu eta… Katillu!

Laburpena

Katillukadak, txotxongiloak manipulatzeko bost teknika ezberdin erakusten dituen antzezlan bat da. Bertan, lau ipuin labur , lau teknika desberdinetan antzezten dira, bakoitza bere mezuarekin. Hau dena lotzen duen pertsonaia, Katillu da ( bosgarren teknika ).

FITXA TEKNIKOA

Egilea eta ekoizpena: Kontakatillu

Banaketa: Lanku bertso zerbitzuak (www.lanku.com)

Antzezlan mota: Txotxongiloak

Publikoa: Familiarra, Iehen hezkuntza.

Iraupena: 55 minutu

Formatoa: Barruan eta kalean ilunetan

Ezaugarriak: Zabalera: 335 zm; Altuera: 275zm; Sakonera: 300zm.

Muntaia: 150 min- Desmuntaia: 90 min.

2. eta 4. ipuinak: Xabi Labaien eta 3. ipuina: Kukubiltxo;

Doinuaren egilea: Unai Ormaetxea eta sintoniaren egilea: Aitor Rubio; Biolina: Leire Ibarzabal; Nahasketak: Iditu records, Aitor Sarrionaindia eta Iñigo Ibarzabal. Tailerra eta eszenografia: Pilpira; Gaijartzailea: Zuriñe Iarritu; Amaierako bertsoa. Arkaitz Estiballes; Itzultzailea eta Euskara aholkularia: Uxue Alberdi; Zuzenketa lanetan: Ane Fernandez; Kartela eta esku programa diseinatzailea: Eider Eibar; Aktore eta teknikariak: Aitor Ormaetxea eta Mikel Ibarzabal

Eskera egiteko emaila bidali marketina@lanku.com edo 943 260 755 tlf zenbakira

gehiago irakurri

Galtzagorriei to, Inaxito!

Inaxito estu dabil. Mundu guztiak arazoak dituela jabetu da. Margarita bere lagun-minak orrazea galdu du eta itxusi ikusten du bere burua. Herrian ura falta dela esanez entzun du bandolaria eta kobazulo batean hil nahi eta ezin duen agure batekin egin du topo.

Edertasun nahiak arazoak ekar ditzakeela ohartu da. Urik gabe bizitzarik ez! zaindu beharreko altxorra inondik ere. Eta, zer du ba agureak hil ahal ez izateko? -Kontxo, galtzagorriak.

Aitona etsituak emango dio mitologia ezagutzeko bide. Antzerkian zehar pertsonaia mitologikoak ezagutzen joango da: Basajauna, Anbotoko anderea, Lamiak, galtzagorriak... eta harreman berri hauen baitan garatuko da antzezlana.

Zer garrantzia du ba mitologiak gaur egun? Mitoek, gizakiak urteetan zehar izan dituen hainbat galderei erantzuteko balio izan dute eta ez dute oraindik gaurkotasunik galdu. Euskaldunok ere izan ditugu gure galderak eta sinesmenak eta horietako batzuk plazaratzeko asmo zintzoarekin sortu da egitasmo hau. Galderei leiho bat zabaldu nahi zaie; erakusleiho, irakasleiho.

Misterioz eta umorez beterik dator Inaxitoren hirugarren antzezpen hau. Euskal mitologian ezagun eta ez horren ezagun diren pertsonaia eta lurraldeak ezagutuko ditu Inaxitok jolasean, eta beti bezala, bertsoek zipriztinduko dute antzerkiaren haria. Inaxito eta antzezlana jarraitzen ari diren haur nahiz helduek euskal mitologiaren mundu magikoarekin gozatzeko aukera izango dute.

Fitxa teknikoa:

Nori zuzendua: 5-12 urteko gaztetxoak

Partaideak: Trikuharri taldeko antzezleak:
Ibai Esoain - Xabier Sukia - Gorka Tolosa

Lekua: Kalean edo aretoetan egin daiteke: eskolan, zineman, kultur etxean, herriko plazan, ikasgelan… Eta berdin dio, oholtzadun tokia izan zein ez.

EMANALDIKO ARGAZKIAK IKUSTEKO, KLIKATU HEMEN

Eskera egiteko emaila bidali marketina@lanku.com edo 943 260 755 tlf zenbakira

gehiago irakurri