Twantinsuyu-Qollasuyu esaten diote indigenek, Bolivia esaten diogu guk. Amets Arzallusek eta Txomin Txuekak hogei egun pasa zituzten han, gure Bolivian. Bertan gertatzen ari diren aldaketa politiko eta sozial sakonak beren begiz ikusi eta beren belarriz entzutera joan ziren, gero Euskal Herrian zabaltzeko asmoarekin. Zorteko izan ziren; besteak beste Felipe Quispe gerrilla burua ezagutzeko aukera izan zuten, La Pazeko kartzelarik handienaren barruan pasa zuten goiz bat, Sanchez de Lozada diktadoreak piztutako gasaren gerrako biktimekin ere egon ginen, eta Evo Moralesek atea zabaldu zien.
ARGIA aldizkarian erreportaia sorta bat argitaratu zuten, eta liburua atera ere bai gero Durangoko azokan, Illimani: Boliviako izpiak eta hizkiak.
Orain, hitzaldi audiobisual bat muntatu dute, erakusketatxo batekin janzten dena. Ordu eta erdian, hitza, argazkiak, bideoak, bertsoak... denetik, Bolivia gertuago ikus, senti, eta uler dezagun.
Eta indigenak askeago izan daitezen, bide batez
Hizlariak: Amets Arzallus eta Txomin Txueka
gehiago irakurri
Bangkok hiri erraldoiko kontrasteetatik, Sukhotai erresumaren hondarretatik pasatuz, iparraldeko bihotza den Chiang
Laosen Luang Prabangeko monjeen isiltasuna, Vientianeko ikutu frantsesa eta Kanbodiarekin mugan 4000 irlen paradisua. Tailandiako hegoaldeko Koh Tao irlan urpekaritza ikastaroa eta Koh Phanganeko hondartza idilikoen palmondoak.
Hizlaria: Ibon Ajuria
gehiago irakurri
Rajasthango bailara idorretako shari eta turbanteen kolore bizietatik, Taj Mahaleko marmol zurizko palaziotik pasatuz, gorpu erreketak eta eskaintza-erritoak egiten diren Varanasiko Ganges ibai sakratura.
Nepalen barna, Kathmanduko tenpluen intsensu usaina, Himalayako mendien oinetan Pokharako lakua eta hiru asteko trekking-a Annapurnako zirkuituan. Indiara bueltan, Rishikesheko Saddhuak, iparralderago Laddakh-eko desertu menditsuetako monasterio eta jaialdi budistak, Dharamsalako tibetar komunitatea, eta azkenik Delhiko behi sakratuak eta rickshaw gidariak.
Hizlaria: Ibon Ajuria
gehiago irakurri
Andoni Egañak landu du gai hau eta bere hitzetan: "Pertsonen arteko komunikazioa ahozko adierazpideen bitartez gauzatzen da gehienean. Azken boladan ordea, adierazkortasuna galdu dugu. Ez gara gai esan nahi dugun hura hartzaileari eragiteko moduan esateko. Badirudi gainera, ez zaigula esan-indarraren galera, askorik axola. Ahozkotasunaren bigarren aroan bizi gara. Telebista, irrati, telefono, telefono-mezu...Gero eta beharrezkoagoa da ahozko hizkera ongi menperatzea eta paradoxikoki, oraintxe ari zaigu gehien pobretzen"
Hitzaldia publiko guztiari dago zuzendua
Hizlaria: Andoni Egaña
gehiago irakurri
Olatu bat kuartelen gainetik deritzona Joan ziren zikloko aurreko bien, Dinosauroak horizontean eta Orain ezin naiz hil izenekoen, jarraipena da. Hirugarren liburuki hau ere lehenengoan abiatutako fenomeno esplikaezin baten garapena da. Ez nola ez zergatik munduan bakarrik gelditu zen edo abandonatu zuten ez jakiteak ez du protagonista biziraun beharretik libratzen. Premia horrek Oiz mendiaren hego aldetik (Durangaldetik) ipar aldeko (Lea Artibaiko) itsasertzera darama. Lekeitio. Hemen, bere biziraupen fsikoa antolatzeagaz batera, 1960ko hamarkada aurkitzen du, diktaduraren erraietan. Euskal Herriari dagokionez, hamarkada hori eta hurrengoaren lehen zatia protagonistak gogoratzen duen arorik esplosiboena izan zen.
Eleberri honetako pasarte eta pertsonaia ugariek, garai haren islapenaz gainera, eraikuntza literario bat osatzeko gai agortezina dakarte. Adimen eta oroimen hutsean gelditu den biziraule bakarrak (beste guztiak ‘joan ziren’), gertaera egiazkoen eta asmatuen gainean, pizkunde edo ‘olatu’ politiko eta moral handi baten sorrera eta hazkundea berritzen ditu.
Liburu honen harira, Xabier Amurizak hitzaldiak emateko aukera eskaini nahi du. Olatu bat kuartelen gainetik liburua, Bizkaiko zenbait herritan kokatua egoteaz gain, bertan gertatuak biltzen eta kontatzen ditu Xabierrek.
Zuen herrian kokatzen denez, zuengana zuzentzen gara bertan hitzaldi-aurkezpena egiteko proposamena eginez.
Hizlaria: Xabier Amuriza
gehiago irakurri