Lazkao Txiki, bat bateko sorgina

Nork ez dauka gogoan LazkaoTxiki, marrazki bizidunetatik baino ez bada ere? Haren izaera, umorea, grazia Euskal Herrian mito izateraino zabaldu dira. Bertsotan ere halakoxea zen, bai umorean, bai sentimenduan. Baina haren bat-bateko bertsogintza nola gozarazi, nola helarazi orain edozein entzuleren belarrira? Haizeak eramateko saio horietan ere gerta daitezke erreskatatzea merezi duten harribitxiak, handik urteetara ere, entzutea merezi dutenak. Horixe da "LazkaoTxiki, bat-bateko sorgina" izeneko emanaldian Amurizak egiten duena. Ehunen bat bertsoko antologia hautatu honetan LazkaoTxikiren estiloa eta jenialtasuna biltzen da.