Bertsolaritzaren historiari buruzko ikastaroa

Zer da bertsolaritza? Noiz sortu zen? Zein dira bertsoaren osagaiak? Nolatan ez da oraindik hil? Mendez mende, bertsolariek historiaren hari-eroale neurtu eta errimatua eskaini digute ahozko tradizioaren atzo eta gaurko joera nagusiak aztertzeko: bertsolaritzaren aroak, garaian garaiko bertsolarien eta bertsogintzaren ezaugarriak, helburuak, pasadizoak... Ikastaro honek bat-bateko eta idatzizko bertsolaritzaren teoria eta praktika ulertzen lagunduko dizu.

Bederatzi emanalditan banatu du ikastaroa Xabier Paiak eta nahi izanez gero hamargarren bat ere egin daiteke ikasitakoa praktikan jartzeko.

• Bertsolaritza inprobisazioaren munduan
• Hastapenetatik XIX. mendera
• Foruen galera eta Gerra Zibil aurreko garaia
• Frankismo garaiko bertsogintza
• Frankismoaren bukaera eta trantsizio garaia
• Emakume bertsolarien historia
• Bertsolaritzaren loraldia eta txapelketak
• Bertso-saioak
• Gai-jartzailetza eta epailetza
• Praktikoa